Ar ôl profiadau eleni, gwn y bydd gan lawer ohonom ddealltwriaeth newydd o'r gair hwnnw.
Y gobaith o ddod at ein gilydd, boed yn bersonol neu'n ddigidol, gyda theulu a ffrindiau i ddathlu'r hyn a ddylai fod yn adeg llawen o'r flwyddyn.
Y gobaith am ddyfodol gwell i ffrindiau a pherthnasau sydd wedi'u taro cymaint gan y pandemig, yn enwedig y rhai sydd wedi dioddef salwch neu sgileffeithiau economaidd dybryd y pandemig.
Y gobaith y gallwn barhau â'r ysbryd cymunedol cryfach i'r flwyddyn newydd, a fu o gymorth i aelodau mwyaf bregus ein cymunedau eleni.
I mi, mae'r Nadolig yn gyfle i gwrdd ag aelodau'r teulu a rhoi gwleidyddiaeth o'r neilltu. Gwn fod llawer ohonoch yn defnyddio'r adeg hon o'r flwyddyn i gnoi cil ar bethau. Eleni bydd llawer ohonoch yn cofio am anwyliaid a gollwyd, ac yn gorfod addasu i ffordd newydd o fyw hebddyn nhw. Rwy'n cydymdeimlo'n fawr â phawb sy'n mynd drwy'r fath drallod y Nadolig hwn.
Mae'r Nadolig hefyd yn gyfle i ddiolch i'r rhai sydd wedi gofalu amdanom, ac wedi rhoi eraill o flaen nhw eu hunain. Diolch o galon i holl weithwyr ein gwasanaethau cyhoeddus rheng flaen sydd wedi wynebu heriau'r flwyddyn ddiwethaf gyda dewrder, angerdd ac ymroddiad.
Gyda'i gilydd mae staff anhygoel y gwasanaeth iechyd, gweithwyr gofal, personél y lluoedd arfog, staff y cyngor a'r fyddin o wirfoddolwyr wedi bod drwy gymaint mwy nag y byddai'r rhan fwyaf ohonom yn gallu ei ddychmygu - mawr yw ein dyled iddynt.
Gobeithio y bydd cyfnod y Nadolig yn adfywio ein gobaith ac y gallwn, gyda'n gilydd, edrych ymlaen at ddyfodol mwy disglair.
Beth bynnag ddaw dros y Dolig, gobeithio y bydd yn un o obaith a llawenydd. Nadolig Llawen i chi i gyd.
